ଏହି ଉଦ୍ଘାଟନୀ କାର୍ଯ୍ୟକ୍ରମରେ ସ୍ୱାମୀ ବ୍ରହ୍ମ ସାକ୍ଷାତକାର ନନ୍ଦ ଆଶ୍ରୀବଚନ ପ୍ରଦାନ କରି କହିଲେ ଯେ, ଯେଉଁମାନେ ଭକ୍ତି, ଜ୍ଞାନ, ବୈରାଗ୍ୟ ସବୁ କିଛି ସମର୍ପିତ କରି ଆଜି ସେବା କରୁଛନ୍ତି ସେମାନେ ହେଉଛନ୍ତି ଭାରତର ଜାଗ୍ରତ ପ୍ରହରୀ । ସେମାନେ ସାରା ବିଶ୍ୱକୁ ଗୋଟିଏ ପରିବାର ବୋଲି ଭାବୁଛନ୍ତି । ଭାରତ ବର୍ଷର ମୁନି,ଋଷି ଓ ମହାପୁରଷମାନଙ୍କର ଏହା ହେଉଛି ବିଚାର । ଗଛ, ଲତା,କୀଟ, ପତଙ୍ଗ ଯେପରି ଅନବରତ ସେବା କରିଚାଲିଛନ୍ତି ସେମାନେ କେବେ ନିଜର ପ୍ରଚାର କରିନାହାଁନ୍ତି । ସଂଘର ଲକ୍ଷଲକ୍ଷ ସ୍ୱୟଂସେବକମାନେ ସେବାକାମରେ ଲାଗିଥିଲେ ମଧ୍ୟ ପ୍ରଚାର ଠାରୁ ବହୁ ଦୁରରେ ବୋଲି ସ୍ୱାମୀଜୀ ପ୍ରକାଶ କରିଥିଲେ ।
ଅନ୍ୟତମ ଅତିଥି ବିଶିଷ୍ଟ ସମାଜସେବୀ ଶ୍ରୀ ଅଶୋକ ଜଲ୍ଲାନ କହିଲେ ଯେ, ସବୁ ନକରାତ୍ମକ ବିଚାକକୁ ଛାଡି ସକାରାତ୍ମକ ନଜର ରଖିବା ହେଉଛି ସବୁ ଠାରୁ ବଡ ସେବାକାମ । ତନ ମନ ଓ ଧନ ଦେଇ ସେବା କରିବା ହେଉଛି ଆମର ଲକ୍ଷ୍ୟ ।
ମୁଖ୍ୟବକ୍ତା ରୂପେ ଯୋଗଦେଇ ରାଷ୍ଟ୍ରୀୟ ସ୍ୱୟଂସେବକ ସଂଘର ଅଖିଳ ଭାରତୀୟ ସହସେବା ପ୍ରମୁଖ ଶ୍ରୀ ରାଜକୁମାର ମଟାଲେ କହିଲେ ଯେ,ସେବାମାଧ୍ୟମରେ ସମାଜରେ ପରିବର୍ତ୍ତନ ହୋଇ ପାରିବ । କେବଳ ଦାନ କଲେ ଚଳିବ ନାହିଁ । ଦାନ ନେଲା ବାଲା ଭବିଷ୍ୟତରେ କିପରି ଦାନ ନନେବ ସେପରି ବ୍ୟବସ୍ଥା କରିବା ଦରକାର । ପରିବାରରେ ଯେପରି କାମ କରୁଛୁ ସେହି ପରି ଆତ୍ମୀୟତା, ସ୍ନେହ ପ୍ରେମ ଭାବରେ ସମାଜରେ କାମ କରିବା ହିଁ ହେଉଛି ପ୍ରକୃତ ସେବା । ସେବା କରୁଥିବା ବ୍ୟକ୍ତି ମନରେ ଦାତାର ଭାବ ନଆସୁ ଏହାକୁ ନିଜ କର୍ତ୍ତବ୍ୟ ବୋଲି ଭାବନ୍ତୁ । ସେବା ବଦଳରେ କିଛି ପାଇବାର ଆଶା ନରଖିବା ଉଚିତ । ଏହି ବିଚାର ନେଇ ସଂଘ ଏବଂ ସଂଘ ବିଚାର ସଂଗଠନ ତରଫରୁ ସାରା ଦେଶରେ ୧ଲକ୍ଷ ୩୨ ହଜାର ସେବା କାମ ଚାଲୁଅଛି ବୋଲି ଶ୍ରୀ ମଟାଲେ ପ୍ରକାଶ କରିଥିଲେ ।
Comments
Post a Comment